Treth cerbyd ar gyfer cerbydau trydan, di-allyriadau ac allyriadau isel
Sut mae'r newidiadau treth cerbyd (VED) yn effeithio ar eich cerbyd.
Mae angen ichi dalu treth cerbyd os oes gennych gar, fan neu beic modur trydan, di-allyriadau neu allyriadau isel. Cyflwynwyd y newid hwn ar 1 Ebrill 2025 ac mae’n berthnasol i gerbydau newydd a phresennol. Mae’r swm y bydd angen ichi ei dalu yn dibynnu ar y math o gerbyd a phryd y cafodd ei gofrestru.
Mae’r cyfraddau treth cerbyd canlynol yn berthnasol o 1 Ebrill 2026 tan 31 Mawrth 2027.
Sut mae’r newidiadau yn effeithio ar eich cerbyd
Ceir trydan, di-allyriadau ac allyriadau isel a gofrestrwyd ar neu ar ôl 1 Ebrill 2025
Byddwch yn talu £10 am y flwyddyn gyntaf. Ar ôl hynny, byddwch yn talu’r gyfradd safonol o £200.
Ceir trydan, di-allyriadau ac allyriadau isel a gofrestrwyd rhwng 1 Ebrill 2017 ac 31 Mawrth 2025
Byddwch yn talu’r gyfradd safonol o £200.
Ceir trydan, di-allyriadau ac allyriadau isel a gofrestrwyd rhwng 1 Mawrth 2001 ac 31 Mawrth 2017
Byddwch yn talu’r gyfradd safonol o £20.
Cerbydau hybrid a cherbydau a daniwyd mewn ffordd amgen (AFVs)
Mae’r gostyngiad blynyddol o £10 ar gyfer cerbydau hybrid ac AFVs wedi cael ei ddileu. Mae’r gyfradd rydych yn ei thalu yn dibynnu ar bryd y cofrestrwyd y cerbyd am y tro cyntaf. Os cofrestrwyd y cerbyd:
-
cyn 1 Ebrill 2017 - bydd y gyfradd hon yn dibynnu ar allyriadau CO2 y cerbyd (gwiriwch y cyfraddau presennol ar gyfer y cerbydau hyn)
-
ar neu ar ôl 1 Ebrill 2017 - byddwch yn talu’r gyfradd safonol (£195)
Faniau trydan
Mae’r rhan fwyaf o faniau trydan wedi symud i’r gyfradd flynyddol safonol ar gyfer cerbydau nwyddau ysgafn. Gwiriwch y cyfraddau ar gyfer y cerbydau hyn.
Beiciau modur trydan
Mae beiciau modur trydan a beiciau tair olwyn trydan wedi symud i’r gyfradd flynyddol ar gyfer maint lleiaf yr injan. Gwiriwch y cyfraddau ar gyfer y cerbydau hyn.
Cyfradd ychwanegol (atodiad ceir drud)
Os oes gennych gerbyd trydan neu gerbyd di-allyriadau a gofrestrwyd ar neu ar ôl 1 Ebrill 2025 gyda phris catalog o fwy na £50,000, bydd angen ichi dalu’r:
- gyfradd safonol
- cyfradd ychwanegol
Mae’r gyfradd ychwanegol yn berthnasol am 5 mlynedd, yn dechrau o’r ail flwyddyn o dreth cerbyd.
Updates to this page
-
Within the 'Additional rate (expensive car supplement)' section, the list price for specified vehicles has been amended to "more than £50,000". Previously this read as "£50,000 or more".
-
Updated to show the rates applicable from 1 April 2026
-
Updated information for electric, zero and low emission cars, vans and motorcycles in line with the latest vehicle tax rates.
-
Updated vehicle tax information for electric, zero or low emission vehicles
-
The page has been updated to improve legibility following user feedback.
-
Added translation