Cofrestru ar gyfer cyfrif prisio ardrethi busnes
Mae cyfrif yn caniatáu ichi weld manylion sydd gan Asiantaeth y Swyddfa Brisio (VOA) am eich eiddo busnes, gan gynnwys y gwerth ardrethol, ac i grybwyll unrhyw newidiadau.
Yn berthnasol i Loegr a Chymru
Mae’r VOA yn diweddaru prisiadau eiddo annomestig bob tair blynedd. Gelwir hyn yn ailbrisiad. Bydd ailbrisiad 2026 yn dod i rym ar 1 Ebrill 2026.
Os oes angen i chi roi gwybod i ni am newidiadau i’ch prisiad presennol, rhaid i chi godi achos Gwirio erbyn 31 Mawrth 2026. Bydd unrhyw newidiadau yr ydych yn rhoi gwybod i ni am eich prisiad presennol yn cael eu trosglwyddo i brisiad 2026.
Os nad oes gennych gyfrif, neu heb fod wedi’i ddefnyddio ers tair blynedd neu fwy, gall gymryd hyd at 15 diwrnod gwaith i gofrestru a chysylltu eich eiddo. Rhaid i chi gwblhau’r camau hyn mewn pryd fel y gall eich cais gael ei gymeradwyo cyn y dyddiad cau, sef 31 Mawrth 2026.
Creu cyfrif
Defnyddiwch ein gwasanaeth ar-lein i greu eich cyfrif prisio ardrethi busnes. Bydd angen i chi fewngofnodi i ddefnyddio’r gwasanaeth hwn. Os nad oes gennych fanylion mewngofnodi eisoes, bydd modd i chi eu creu.
Ar ôl i chi fewngofnodi
Nid oes angen i chi gyflwyno unrhyw fanylion busnes pan fyddwch chi’n cofrestru. Gofynnir i chi amdanynt pan fyddwch chi’n ychwanegu eiddo at eich cyfrif.
Mathau o gyfrifon
Gallwch sefydlu dau fath o gyfrif:
- cyfrif unigol – ar gyfer masnachwyr unigol a phobl hunangyflogedig
- cyfrif sefydliad – ar gyfer cyfrifon y mae angen i fwy nag un person eu rheoli
Os ydych chi eisiau ychwanegu cydweithwyr, teulu neu ffrindiau i reoli eich ardrethi busnes, gofynnwch iddyn nhw greu cyfrifon unigol. Rhaid i chi fod yn weinyddwr cyfrif i ychwanegu cyfrifon newydd at gyfrif y sefydliad. Byddwch chi’n weinyddwr os gwnaethoch chi greu’r cyfrif neu os yw gweinyddwr presennol wedi’ch ychwanegu chi fel un.
Os ydych chi’n penodi asiant, gofynnwch am eu cod asiant i’w hychwanegu. Peidiwch â gadael i asiant greu cyfrif i chi.
Os oes gennych chi drafferth cofrestru
Os oes gennych chi drafferth cofrestru ar gyfer y gwasanaeth, dylech gysylltu â’r VOA (yn agor tudalen Saesneg).
Gall y VOA roi cymorth ychwanegol i chi os oes gennych chi gyflwr iechyd neu os oes amgylchiadau personol sy’n ei gwneud hi’n anodd defnyddio ein gwasanaeth ar-lein.
Os na allwch chi sefydlu cyfrif o hyd ar ôl cysylltu â’r VOA am gymorth, gallwch chi benodi cynorthwyydd dibynadwy i wneud hynny ar eich rhan.
Updates to this page
-
Removed content relating to Government Gateway ID as for new users, they will need to use GOV OneLogin
-
Added note about the 2026 revaluation and the last day to make changes to the current valuation.
-
Updated guidance with clearer instructions.
-
A Welsh translation has been added.
-
Updated information for Wales
-
Updated for the 2023 rating list
-
Removed video link and information about appointing agent, which is moved to a different page.
-
First published.