Gwneud cais i dalu cyfraniadau Yswiriant Gwladol gwirfoddol ar gyfer cyfnodau dramor (CF83)

Defnyddiwch ein gwasanaeth ar-lein i wneud cais i dalu cyfraniadau Yswiriant Gwladol gwirfoddol am gyfnodau dramor.

Gan:: Cyllid a Thollau EF
Cyhoeddwyd: 15 Ionawr 2024
Diweddarwyd ddiwethaf: 7 Ebrill 2026 — Gweld pob diweddariad

Gallwch wneud cais i dalu cyfraniadau Yswiriant Gwladol gwirfoddol am gyfnodau dramor er mwyn llenwi bylchau yn eich cofnod Yswiriant Gwladol.

Cyn i chi wneud cais, dylech wirio’r rheolau ar ba gyfraniadau Yswiriant Gwladol y gallwch eu talu.

Os ydych dros oedran Pensiwn y Wladwriaeth, neu os byddwch yn cyrraedd oedran Pensiwn y Wladwriaeth cyn pen 6 mis, ni allwn brosesu eich cais. Mae’n rhaid i chi gysylltu â’r Ganolfan Pensiynau Rhyngwladol (yn agor tudalen Saesneg).

Yr hyn y bydd ei angen arnoch i wneud cais

Bydd angen y canlynol arnoch i wneud cais:

eich enw llawn
eich dyddiad geni
eich rhif Yswiriant Gwladol — gallwch ddod o hyd i’ch rhif Yswiriant Gwladol os ydych wedi’i golli
eich cyfeiriad yn y DU, os yw’n berthnasol
eich cyfeiriad dramor, os yw’n berthnasol
y dyddiad y gwnaethoch adael y DU
manylion eich cyflogaeth cyn i chi adael y DU
pa mor hir y gwnaethoch fyw dramor, neu pa mor hir yr ydych yn bwriadu byw tramor, os yw’n hysbys
manylion eich cyflogaeth neu’ch hunangyflogaeth dramor, os yw’n berthnasol
manylion unrhyw fudd-dal gan y llywodraeth roeddech chi’n ei gael neu’n ei hawlio, os yw’n berthnasol

Os ydych yn gwneud cais ar-lein, bydd angen ffôn arnoch gyda chamera sy’n gweithio. Bydd hefyd angen un o’r mathau canlynol o ID ffotograffig arnoch:

trwydded yrru cerdyn-llun yn y DU
pasbort y DU
pasbort nad yw o’r DU sydd â sglodyn biometrig
trwydded breswylio fiometrig (BRP) y DU
cerdyn preswylio biometrig (BRC) y DU
trwydded gweithiwr trawsffiniol y DU

Os ydych yn gwneud cais i dalu cyfraniadau Yswiriant Gwladol gwirfoddol ar gyfer sawl cyfnod, mae angen yr wybodaeth hon ar gyfer pob cyfnod.

Os ydych yn weithiwr datblygu gwirfoddol, bydd angen i chi roi gwybod i ni am eich enillion at ddibenion Yswiriant Gwladol. Dylai hyn gynnwys yr holl lwfansau ar ffurf arian a delir gan eich cyflogwr. Ni ddylai hyn gynnwys buddiannau nac unrhyw lwfansau ar ffurf arian nad ydynt yn cael eu talu gan eich cyflogwr.

Rhwng mis Tachwedd 2017 a mis Ebrill 2019, roedd arweiniad CThEF yn anghywir. Os na wnaethoch gais neu os gwrthodwyd eich cais o ganlyniad i’r arweiniad anghywir, mae’n bosibl y byddwch yn gallu talu ar y cyfraddau gwreiddiol. Os ydych o’r farn y gallai hyn fod wedi effeithio arnoch chi, gallwch roi manylion.