Ein llywodraethiant
Byrddau rheoli a grwpiau gwneud penderfyniadau Cofrestrfa Tir EF.
Mae Cofrestrfa Tir EF yn rhan o’r Weinyddiaeth Tai, Cymunedau a Llywodraeth Leol. Mae’r Prif Gofrestrydd Tir a Phrif Weithredwr Dros Dro Iain Banfield yn atebol i’r Ysgrifennydd Gwladol Steve Reed.
Goruchwylio yw cylch gorchwyl Bwrdd Cofrestrfa Tir EF yn bennaf, tra bo’r cyfrifoldeb rheoli o ddydd i ddydd gan yr Uwch Dîm Gweithredol.
Bwrdd Cofrestrfa Tir EF
Diben Bwrdd Cofrestrfa Tir EF yw cefnogi, herio’n adeiladol a rhoi arweiniad i’r Uwch Dîm Gweithredol, goruchwylio datblygu a chyflwyno’r strategaeth fusnes a gytunwyd a sicrhau llywodraethu priodol o weithgaredd Cofrestrfa Tir EF.
Ei brif amcanion yw:
- rhoi cyngor a chytuno ar weledigaeth hir dymor, strategaeth fusnes tymor canolig, y gyllideb flynyddol a dangosyddion perfformiad allweddol
- adolygu perfformiad ariannol a gweithredol
- monitro datblygiadau’r farchnad ar gyfer cyfleoedd ac ystyried unrhyw risgiau strategol mae’r sefydliad yn eu hwynebu, sicrhau bod systemau a rheolaethau priodol ar waith
- sicrhau cydymffurfiaeth â’r holl ofynion statudol
- sicrhau bod y sefydliad yn defnyddio ymarfer gorau mewn perthynas â llywodraethu corfforaethol
- sicrhau y caiff perthnasau effeithiol eu cynnal â budd-ddeiliaid, cwsmeriaid, cyflenwyr, cyflogeion ac adrannau’r llywodraeth
Aelodau
Mae Bwrdd Cofrestrfa Tir EF yn cael ei arwain gan Gadeirydd anweithredol annibynnol a gefnogir gan fwyafrif o aelodau anweithredol, sef y canlynol ar hyn o bryd:
- Neil Sachdev, Cadeirydd
- Iain Banfield, Prif Weithredwr a Phrif Gofrestrydd Tir Dros Dro
- Caroline Crowther a Charlotte Spencer (rhannu swydd)
- Ann Henshaw, Uwch Aelod Annibynnol o’r Bwrdd
- Hena Jalil
- Deborah McLaughlin
- Rommel Pereira
- Enda Ridge
Pwyllgor Archwilio a Risg
Rôl y Pwyllgor Archwilio a Risg yw monitro ac adolygu effeithiolrwydd gweithgaredd risg, sicrwydd ac archwilio. Ar ran y bwrdd, mae’r pwyllgor yn archwilio’n heffeithiolrwydd o ran y canlynol:
- systemau rheolaeth fewnol a systemau rheoli risg
- rheoli risg
- camau a gymerwyd neu i’w cymryd i reoli risgiau difrifol neu i ddatrys unrhyw fethiannau rheoli neu wendidau a nodir
Mae’r pwyllgor yn cynnwys cyfarwyddwyr anweithredol a gweithredol. Maent yn annibynnol ar y rheolwyr ac unrhyw weithgaredd arall allai effeithio ar eu gwrthrychedd. Mae Pennaeth Archwiliad Mewnol yn mynychu cyfarfodydd y pwyllgor hefyd.
Is-bwyllgor o Fwrdd Cofrestrfa Tir EF yw’r Pwyllgor Archwilio a Risg.
Aelodau
Aelodau’r Pwyllgor Archwilio a Risg yw:
- Rommel Pereira, Cadeirydd
- Gareth Caller
- Deborah McLaughlin
- Enda Ridge
Pwyllgor Taliadau ac Enwebiadau
Mae’r Pwyllgor Taliadau ac Enwebiadau yn sicrhau bod trefniadau tâl ac enwebu yn cefnogi amcanion Cofrestrfa Tir EF ac yn goruchwylio recriwtio, cadw a pherfformiad y tîm gweithredol.
Is-bwyllgor o Fwrdd Cofrestrfa Tir EF yw’r Pwyllgor Taliadau ac Enwebiadau.
Aelodau
Aelodau’r Pwyllgor Taliadau ac Enwebiadau yw:
- Ann Henshaw, Cadeirydd
- Iain Banfield, Prif Weithredwr a Phrif Gofrestrydd Tir Dros Dro
- Emily Hobbs, Cyfarwyddwr Adnoddau Dynol
- Caroline Crowther a Charlotte Spencer (rhannu swydd)
- Hena Jalil
- Rommel Pereira
Y Pwyllgor Cwsmeriaid a Newid
Mae’r Pwyllgor Cwsmeriaid a Newid yn cefnogi’r bwrdd i sicrhau bod cynlluniau trawsnewid y sefydliad yn parhau i fod yn gyson â’i uchelgeisiau strategol a bod modd eu cyflawni’n effeithiol.
Is-bwyllgor o fwrdd Cofrestrfa Tir EF yw’r Pwyllgor Cwsmeriaid a Newid.
Aelodau
Aelodau’r Pwyllgor Newid yw:
- Deborah McLaughlin, Cadeirydd
- Angie Clarkson, Cyfarwyddwr Dros Dro ar gyfer Cwsmeriaid a Strategaeth
- Mark Gray, Prif Swyddog Trawsnewid a Thechnoleg
- Ann Henshaw
- Abi Howarth, Cyfarwyddwr Gwasanaethau Cofrestru Tir
- Hena Jalil, Aelod Anweithredol o’r Bwrdd
- Rachel Rayner
- Enda Ridge
Pwyllgor Adolygu Gofal Cwsmeriaid
Sefydlwyd y Pwyllgor Adolygu Gofal Cwsmeriaid i gynnal adolygiad annibynnol o weithdrefnau trin cwsmeriaid a phrofiadau cwsmeriaid yng Nghofrestrfa Tir EF. Mae gwaith y pwyllgor bellach wedi ei gwblhau ac mae’r adoddiad wedi ei gyhoeddi.
Y Pwyllgor Gweithredol
Y Pwyllgor Gweithredol sy’n rhedeg Cofrestrfa Tir EF o ddydd i ddydd ac mae’n gwasanaethu fel y prif awdurdod o ran gwneud penderfyniadau o fewn y sefydliad. Mae’r Pwyllgor Gweithredol, sy’n cynnwys Cyfarwyddwyr Gweithredol Cofrestrfa Tir EF, yn darparu arweinyddiaeth strategol i sicrhau bod y sefydliad yn cyflawni ei ganlyniadau strategol a’i ymrwymiadau ategol.
Cefnogir y Pwyllgor Gweithredol ymhellach gan nifer o is-bwyllgorau.